"Það þarf meiri kjark til að segja satt en ljúga,
sjálfstraust til að efast, er aðrir trúa, djörfung til að mæla gegn múgsins boðun, manndóm til að hafa eigin skoðun." Höf. ókunnur
0 Comments
Á föstudaginn er dagur geitarinnar og af því tilefni heldur Erfðanefnd landbúnaðarins málþing um íslensku geitina. Málþingið fer fram í Þjóðminjasafni Íslands og stendur frá klukkan 13 til 16. Geiturnar 800 eru í eigu um 50 einstaklinga hér á landi, en í flestum tilfellum er um að ræða frístundabúskap og gagnger geitabúskapur er aðeins á einu eða tveimur býlum. Dominique Plédel Jónsson, sem er í stjórn Geitfjárseturs, áhugafólks um geitastofninn, segir að lykillinn að því að gera stofninn sjálfbæran sé að dreifa geitinni betur um landið og nýta afurðirnar að fullu. „Við þurfum að setja upp fræðslusetur um geitur og geitaafurðir og út frá því þarf að koma upp sérhæfðri aðstöðu til að vinna geitaafurðir við býlið." Hugmyndin, segir Dominique, er að setja upp aðstöðu við Háafell í Borgarfirði þar sem stærsta geitabú landsins er rekið af Jóhönnu Þorvaldsdóttur og Þorbirni Oddssyni, manni hennar. „Það er ekki hægt að halda uppi dýrastofni einfaldlega sem gæludýrum, en geitur geta vel unnið fyrir sér," segir Jóhanna og vísar þar til afurða eins og mjólkur, osta, ullar og skinns, auk þess sem sápur og krem eru unnin úr geitatólg. Jóhanna segir mikinn áhuga á geitaafurðum og hundruð manna sæki býlið heim á sumri. Áhugi stjórnvalda sé þó ekki eins mikill, sem sé skrítið í ljósi þess að yfirvöldum beri að vernda stofna á válista. „Það er fráleitt að þurfa að fara ár eftir ár til að sækja aðstoð upp í ráðuneyti. Í þau fjórtán ár sem ég hef staðið í þessu hefur ekki tekist að marka nokkurn farveg eða stefnu fyrir geitastofninn," segir Jóhanna. Hún segist loks vonast til þess að málþingið muni vekja athygli á stöðunni og verða hvatning til þess að ástandið breytist til batnaðar í framhaldinu. Tekið af www.visir.is 28.11.12 Það er margt skrýtið á Internetinu. Þegar maður slær inn leitarorðinu "Efri Brunná" í Google kemur ýmislegt upp. En ég átti ekki von á því að norska veðurstofnan stæði í því að búa til veðurspár fyrir bóndabæinn Efri - Brunná - Vesturlandi - Íslandi. En það er raunin ! Auðvitað er hér um að ræða sjálvirkar spár .. en engu að síður er bærinn í gagnagrunni norsku veðurstofunnar.
Prufið bara... smellið á linkinn: http://www.yr.no/sted/Island/Vesturland/Efri_Brunna/ Takk
Lífið er afskaplega langvarandi ljóð Eins og í öllum ljóðum sem eitthvað er varið í eru stormar og bylir en stundum styttir upp Þú færðir mér sólina Steinunn Friðriksdóttir 1993 - Nú í kvöld lauk þáttaröð Andra þar sem hann flandrar um slóðir vestur Íslendinga. Í kvöld var það heimsókn á sjálfan Íslendingadaginn í Gimli. Þetta var annar þátturinn sem fjallaði um Gimli og það verður að segjast að virkilega væri nú gaman að skreppa þangað, þrátt fyrir hitann og flugurnar. Það sem manni kemur svolítið á óvart er hversu mikið strandlíf og fallegar strendur eru við Winipegvatnið.
Víða á Internetinu er margt að finna sem tengist Gimli; Myndir, myndbandsbútar, textar og fl. Lang flest er þetta á ensku. Eitt af því sem ég skoðaði er myndupptaka af þremur mönnum frá Gimli við fiskveiðar í gegnum ís. Mér fannst þetta nokkuð merkilegt á að horfa; fatnaður, farartæki, búnaður, vinnubrögð og fl. Skemmtilegt hversu vélvædd þessi veiði er en samt frumstæð. Aðdáunarvert hvernig veiðimennirnir fylgja hlaupakettinum undir ísnum með eyrum og augum. Þetta er eiginlega vélvædd útgerð án báta. Þeir leggja alls 6 net, sem þeir draga til skiptis og leggja aftur og aftur. Allt við þetta er eitthvað svo hugvitsamlegt. Læt fylgja með slóðirnar af myndbandsbrotunum en þau eru fjögur talsins; Brot 1 - Brot 2 - Brot 3 - Brot 4 |
Myndirnar mínarEldri innlegg
July 2019
Slóð á straum |