Þrátt fyrir mikið rigningasumar er uppskeran úr kartöflugarðinum mínum furðu góð. Vandamálið var hinsvegar að ná kartöflunum uppúr garðinum sæmilega þurum. Garðurinn þornaði ekki á milli rigningalægða og því fór sem fór; talsverð mold var tekin upp með kartöflunum.
Ég setti niður útsæði, sem ég átti, útsæði sem ég keypti og svo nokkrar matarkartöflur sem ég tók hálfspíraðar út úr ískápnum hjá mér. Mér til furðu var uppskeran af matarkartöflunum miklu betri en af völdu og sérpökkuðu útsæði. Maður ætti að prufa þetta aftur. Því að kaupa sérstakt útsæði ef matarkartöflur eru frjósamari og ódýrari ?
0 Comments
Undanfarin ár eru fjölmiðlar farnir að nota orðið "ofurfyrirsæta" um einhverja tegund af fyrirsætum. Það er hinsvegar engin leið að átta sig á hvað felst í þessu orði. Það er hvergi hægt að sjá að fyrirsætur í heiminum séu flokkaðar á einhvern hátt.
Hver er munurinn á fyrirsætu og ofurfyrirsætu ? Ég hef ekkert mátt vera að því að blogga neitt undanfarna daga. Ég er búinn að vera í gönguferðum um þorp og bæi í Finnmörku í norður Noregi. Nýja "street view" kerfið hjá Google Earth/maps er alveg frábært. maps.google.com Ég get spásserað um ótrúlegustu götur og bæi, horft í kringum mig og skoðað umhverfið líkt og væri ég á ferðalagi. Reyndar ræð ég ekki hvort það er vetur eða sumar, já eða sólskin. En ég sé landslagið, gróðurinn, byggingarnar, útsýnið, verslanirnar, götumyndirnar og fl. og fl.
Þessar gönguferðir eru í raun aðeins tæknilega þróuð útgáfa af ferðlögum á landabréfum. En móðir mín kenndi mér þá iðju í æsku að ferðast um lönd og álfur eftir vegum, lestarteinum eða skipaskurðum á korti einu saman. Hafði maður þá viðkomu í hinum ýmsu sögufrægu borgum, fór yfir sund með ferjum, gegnum fjallaskörð og brá sér jafnvel á tinda hæstu fjalla. Af þessu hafði ég mikla unun sem ég nú upplifi á nýjan og sterkan hátt 40 árum síðar. Við athugun í helstu gagnasöfnum á Netinu hefur komið í ljós að sokkahvarfið er alþjóðlegt vandamál. Hvarfið tengist nær alltaf nútíma þvottavélum og þurrkurum en eftir þvott og þurrkun standa einhverra hluta vegna oft stakir sokkar eftir.
Merkasta rannsókn um sokkahvörf birtist í vefritinu The St. Louis Beacon en það tímarit hefur einnig birt fróðlega grein um lykkjuföll og göt á sokkabuxum sem eru stærri en 4 cm í þvermál. Rannsóknin leiðir í ljós að ónotaðir sokkar hverfa aldrei. Sokkar týnast ekki á leiðinni frá upprunastað (það er hrúgunni með óhreina þvottinum) og að þvottavélinni. Engar líkur eru á því að sokkar sogist inni í göt á þvottavélum. Eina tilgátan sem ekki fékkst leyfi til að prófa var hvort sokkarnir kæmust á einhvern hátt á bak við tromluna í þurrkaranum. Sá sem framkvæmdi rannsóknina mætti mikilli andstöðu hjá konu sinni þegar hann ætlaði að skrúfa bæði þvottavél og þurrkara í sundur. Þótt málið sé erfitt viðfangs frá sjónarmiði vísindanna hefur verið sett fram ein tilgáta sem getur þó aðeins skýrt hluta af vandanum. Hún er sú að aldrei týnist tveir sokkar í einu. Þessi tilgáta er hrekjanleg í skilningi heimspekingsins Karls Poppers (1902-1996) og fullnægir þannig kröfu hans um að vera vísindaleg. Eða hefur þú, lesandi góður, nokkurn tímann heyrt um það að heilt par af notuðum sokkum, sem eru ekki festir saman, hafi týnst í einu lagi í þvotti? Við höfum meira að segja heyrt um sokkaframleiðendur sem hafa lagt stórfé í að þróa sokka sem hefðu þennan eiginleika, að týnast annaðhvort báðir eða hvorugur, en það hefur ekki tekist ennþá. Hins vegar er talið að sá sem verði fyrstur á markaðinn með slíka sokka muni leggja undir sig markaðinn á svipstundu -- og öðlast heimsfrægð um leið. En að svo stöddu getum við aðeins gefið lesendum eftirfarandi ráð: Alltaf skulu sokkar settir í pörum í þvottavélina. Það eykur líkurnar verulega á því að sokkar komi aftur út í pörum. Þetta má til dæmis gera með því að næla sokkana saman, setja þá í sérstaka poka fyrir þvott eða nota bráðsniðuga uppfinningu sem kallast sokkaklemma. Upplýsingar um sokkaklemmurnar eru til taks hér og við bendum lesendum sérstaklega á fróðlegt myndskeið efst til hægri á síðunni sem sýnir rétta notkun þeirra. En af því að við erum Vísindavefur og ekki vettvangur auglýsinga bendum við á að þarna eru engar upplýsingar um það að sokkaklemmur geta líka týnst! Ennfremur ráðleggjum við þeim sem eiga í miklum vandræðum með sokkana sína að að setja ekkert annað en sokka í þvottavélina þegar þvegið er. Þá er alveg öruggt að sokkarnir laumist ekki inn í aðrar flíkur og týnist þar. Að lokum er vert að minnast á óbrigðult ráð til að leysa sokkavandann. Það felst í því að eiga bara sokka af sömu tegund og halda alltaf staka sokknum til haga þegar einn hefur týnst. Þá er hægt að leika skemmtilegan leik þegar tveir sokkar hafa týnst, nefnilega að mynda par úr stöku sokkunum tveimur! Tekið af vísindavef Háskóla Íslands http://www.visindavefur.is/svar.php?id=21467 |
Myndirnar mínarEldri innlegg
July 2019
Slóð á straum |