Sýkla og gerlaheimurinn á jörðinni er billjónum sinnum stærri en heimur mannanna, og skiptir engu þótt hver mannsfruma sé meðtalin. Það er því mikil óskhyggja að láta sig dreyma um að ráð yfir þeim heimi öllum,
segir heimilislæknirinn Vilhjálmur Ari Arason sem hefur rannsakað og skrifað um sýklaónæmi sl. tvo áratugi. Hann bætir við að heilbrigðisyfirvöld víða um heim hafa nú miklar áhyggjur af vaxandi þróun sýklaónæmis helstu sýkingarvalda mannsins. Í yfir 80 ár höfum við haft góð vopn, sýklalyfin, gegn þessum helsta óvini mannsins, bakteríusýkingunum. Þökk sé læknavísindunum sem lengt hafa þannig meðalaldur mannsins meira en nokkuð annað. En vopnin hafa verið ofnotuð og eru því mörg hver hætt að bíta. Vilhjálmur bendir á að engin tímamóta sýklalyf til almennrar notkunnar hafi komið fram í meira en 40 ár. Þá styttist óðum í þann veruleika sem var fyrir tíma sýklalyfjanna þegar þriðjungur þeirra dó sem fékk t.d. slæma lungnabólgu. Í dag þurfa þannig þúsundir barna á Íslandi hæstu skammta af sýklalyfjum gegn venjulegum eyrnabólgum, og jafnvel sterkustu sýklalyf sem völ er á í æð eða vöðva á sjúkrahúsi til að ráða niðurlögum sýkinga sem vel gekk að meðhöndla heima með mixtúrum í venjulegum skömmtum fyrir ekki svo löngu síðan. Ástæðan fyrir þessu er að sýklalyf hafa í gegnum árin verið notuð of oft jafnvel af litlu sem engu tilefni. Vilhjálmur hefur skrifað um sýklaónæmi helstu sýkingarvalda barna á Íslandi sl. tvo áratugi og þá hefur hann rannsakað sýklalyfjaónæmi í meira en áratug. Hann segir vandann liggja fyrst og fremst í verklagi heilbrigðisþjónustunnar. Þar sé megináhersla lögð á vakt- og skyndiþjónustu í stað heildstæðrar gæðaþjónustu vegna lýðsjúkdóma. Í raun er talið að yfir 50% ástæðna allra komu barna til heilbrigðisþjónustunnar sé tengt eyrnabólgu eingöngu [...] Í allt of mörgum tilfellum fær skjólstæðingur sýklalyf við vandamálum sem tengist vægum öndunarfærasýkingum og jafnvel bólum. Vilhjálmur segir að vegna undirmönnunar í heilsgæslunni á daginn þurfi vaktin að vera margföld á kvöldin. Þetta sé alvarlegur skipulagsvandi sem þurfi að leysa en hann vill meina að vegna hans sé skyndilausnum m.a. oftar beitt í heilbrigðiskerfinu.Viðbrögð heilbrigðisvalda við gagnrýninni hafa verið lítil. Svo virðist að láta eigi enn frekar reyna á lögmál Darwins, að þeir hæfustu munu lifa. Öll greinin hér.
0 Comments
Ég var aðeins að skoða ferðir með Norænu á netinu. Ég sé að allar káettur eru núna með sturtu og baði. Það minnti mig á það ótrúlega ferðalag sem við Gugga fórum 1996, en þá fórum við með þrjú lítil börn, bíl og tjaldvagn til Danmerkur og Noregs. Börnin voru 3., 5 og 7 ára gömul og við vorum mánuð á ferðalagi. Ótrúlegt að við skyldum láta okkur detta þetta í hug.
Eitt af því sem var mjög eftirminnanlegt voru ferðirnar með Norænu. Ég man t.d. að ég ákvað að fara með strákana; Stulla (3) og Kela (5) í sturtu. Það var sérstakur baðsalur á þilfariu til þess. Þetta gekk brösulega því veltingurinn var svo mikill, við blautir og gólfin hál. Ég reyndi að halda drengjunum til skiptis meðan ég steig ölduna og vaskaði mér og þeim. Meðan ég þvoði öðrum varð hinn að gera svo vel að hanga stiltur og kyrr á handföngum sem staðsett voru við veggina. Þau voru öll voru svo hátt uppi að Stulli litli beinlínis hékk á því. Eftir bras og soldinn grát aumkaðist að lokum góðlegur Dani, sem var að raka sig við vask, yfir mig og leit til með Stulla meðan við Keli kláruðum þvottinn. Ég held að báðir drengirnir hafi dottið nokkrum sinnum á meðan á öllu þessu stóð og ég var rosalega feginn að komast burtu með alla óbrottna. Það er auðvelt að bæta á sig þyngd en þrautinni þyngri að ná henni af sér.
Það er létt að stofna til skulda en eritt að greiða þær niður. Það er fljótlegt að tapa virðingu en seinlegt að vinna hana aftur upp. Svo það er betra að vanda sig strax ákaflega mikið - það minnkar líkurnar á að fá eitthvað í bakið.
|
Myndirnar mínarEldri innlegg
July 2019
Slóð á straum |